Ковачевски од Тирана: Очекуваме конструктивна дискусија за зголемување на регионалната соработка
Премиерот Димитар Ковачевски очекува за време на Самитот на лидери на Берлински процес да има конструктивна дискусија околу зголемување на регионална соработка, инвестициите за поврзување на регионот, односно на сите земји во регионот и посебно разговори во однос на обезбедување на енергетска независност и обезбедување на дополнителни финансиски средства за енергетско осамостојување на регионот и зелена транзиција на енергетскиот сектор.
Ковачевски изјави дека за време на Самитот ќе биде потпишан и договор за меѓусебно признавање на дипломите на фармацевтите, потоа на акушерките, на медицинските сестри кои што доаѓаат како дополнување на она што го потпишале на минатиот самит – признавање на дипломите на лекарите и на другите дејности кои се регулираат согласно со европските директиви.
-Денес се одржува вториот Самит на Берлински процес во нашиот регион, првиот беше во 2020 година кога организатори беа Северна Македонија и Бугарија, меѓутоа заради Ковид пандемијата беше организиран онлајн. Ова е втор каде што со физичко присуство ќе бидат лидерите на земјите од Западен Балкан заедно со претседателот на Европската комисија, на Европскиот совет и други лидери од Европската Унија, изјави премиерот.
Тој најави дека ќе се сретне и со германскиот канцелар Олаф Шолц, а утрово се сретнал со комесарот Вархеји и претседателката на ЕБОР, Рено-Басо.
Во текот на утрешниот ден, Ковачевски најави дека ќе има состанок со потпретседателката на Светска Банка со која ќе разговара за долгорочниот план кој државата го има со Светска Банка, а за кој разговарале во Њујорк, во однос на финансирањето на проектите во Северна Македонија во наредните четири години.
Маричиќ за членството во ЕУ: 2030 е амбициозен, но достижен датум