Паралелно со поддршката за создавање културни содржини и творештво со врвен уметнички квалитет, Министерството за култура инсистираше сите институции и организации, кои добиваат поддршка од државата да развиваат планови и стратегии за привлекување на публиката, напиша на својот Фејсбук профил Министерката за култура Бисера Костадиновска Стојчевска.

„Само така, со одзивот од публиката квалитетот на културните перформанси се издига на следно, повисоко рамниште.Дека бевме и дека сме сѐ уште на вистинскиот пат потврдува исклучителната посетеност на културните настани и интересот на публиката за секоја нова книга, изложба, концерт, филмска проекција. Публиката се враќа во културните форуми.Со фокусот кон живата култура, кон прогресивната културна сцена, кон културните процеси и уметничките практики што ја вклучуваат публиката, ја поттикнуваме симбиозата меѓу уметниците, културните дејци и публиката“, напиша Стојчевска.

Таа поддршка, поддршката на публиката, е еднакво важна како и поддршката од Министерството за култура за културната продукција со духот на времето што се креира во таа синергија, додаде министерката.