Косовската полиција тепаше Срби на Газиместан: Приведени момчиња на Видовден поради српско знаме (ВИДЕО)
После тоа дошло до инцидент, а специјалните единици ги привеле, а подоцна на магистралниот пат кон Приштина ги ослободиле.
И покрај очекувањата дека овој Видовден ќе помине во мирна атмосфера зошто посетеноста на верниците е значително помала од изминатите години, после парастосто на Газиместан се случи инцидент кога припадници на косовската специјална полиција примениле сила и уапсиле две српски момчиња, Стефан Трајковиќ (20) и Воjислав Симиќ (20) од Косово Поле.
Според зборовите на Стефан, полицаецот побарал од неговиот другар да го тргне односно да го спакува српското знаме кое тој го носел, но кога почнало туркањето меѓу нив двајца, тој се доближил за да помогне.
Иако полицаецот не му го одзел знамето, пристигнале специјалци на РОСУ, и како што објави Новости, со примена на сила и удари ги пикнале во возило и ги возеле, а потоа ги исфрлиле на магистралниот пат Приштина – Митровица.
„Не тепаа и во автомобилот“
Стефан Трајковиќ за РТВ КиМ изјави дека откако полицаецот побарал од Воjислав Симиќ да го спакува знамето, „тргнал да го одбрани другарот“.
После тоа дошло до инцидент, а специјалните единици ги привеле, а подоцна на магистралниот пат кон Приштина ги ослободиле.
– Кога тргнавме дома, Војислав го имаше знамето во раце. Му пријде еден полицаец и му рече да го спакува знамето. Кога ги видов дека се тегнат околу знамето, тргнав кон нив, да го одбранам другарот и да не го дадам знамето. Тогаш ситуацијата се смири и не ни го зедоа знамето. Дојде РОСУ и тргнаа кон нас физички да не совладаат, добивме по неколку удари и не пикнаа во автомобил, наведе Трајковиќ.
Тој рече дека полицајците ги тепале и во автомобилот, а потоа ги исфрлиле на магистралниот пат Приштина – Митровица, недалеку од Газиместан.
– Имаше двајца полицајци со нас во возилото на задното седиште. Кога се одвоивме од масата, почнаа да не тепаат по ребрата, главата и грбот. Полицаецот кој возеше мојот другар го удираше со лактот во глава. Зборуваа дека тука нема така, и дека ова е нивно. Не пуштија на магистралниот пат и не ни дозволија да се вратиме во Газиместан. Патем наиде едно семество од Преоци кое не собра и не превезе до Лапље село, рече Трајковиќ.
Тој наведе дека немаат видливи повреди и дека по прегледот во Здравствениот дом во Грачаница се упатени на хирургија.
– Ме прегледа докторка, чувствувам дека грбот се повеќе ме стега и дека не можам да дишам, ќе видиме што ќе ни кажат на хирургија, заклучи Трајковиќ.