Коронавирусот е вон контрола, жариштата итно во карантин!

Треба да ги затворат општините каде што се жариштата, да се постави полиција пред секоја зграда или куќа во која има кластери, да се контролираат тие места, вели за ,,Слободен печат“ доктор Никола Пановски.

Ситуацијата со коронавирусот е сериозно излезена од контрола и единствениот спас е да се стават жариштата со најголем број новозаразени во карантин и да се направи обид да се ублажи ситуацијата, тврдат епидемиолозите, откако вчера бројката на нови потврдени со ковид-19 значително порасна.

– Работата е веќе испуштена од контрола, не требаше да се пуштат навечер младите да шетаат, затоа што тие допрва ќе го шират вирусот како најголеми преносители. Бидејќи Комисијата за заразни болести тврди дека ја има ситуацијата под контрола, треба да ги затворат општините каде што се жариштата, да се постави полиција пред секоја зграда или куќа во која има кластери, да се контролираат тие места – тврди за ,,Слободен печат“ доктор Никола Пановски.

Од медицинските техничари што земаат материјали за испитување на Ковид 19 во Скопје, дознаваме дека на терен се соочуваат со голем отпор кај дел од населението, кое одбива да се тестира и ги лаже дека им е земен брис.

Прочитајте и...  Најголем дневен број на новозаразени од коронавирусот во Индија од почетокот на пандемијата

– Се јавувам и ја барам адресата, точно да ги прашам каде се за да им земам брис. Ми велат да не доаѓам, затоа што веќе отишле на пункт во Чаир да се тестираат. Се враќам во канцеларија, проверувам во системот, не се тестирале – вели еден од медицинските техничари ангажирани да зема материјали за испитување на ковид-19 на територијата на Скопје. Во Скопје е многу пораснат бројот на налози за тестирања за коронавирус, до степен што морало да се зголемат бројот на екипи што земаат брисови. Наместо досегашните три екипи, сега има пет.

И покрај тоа што Државниот здравствен и санитарен инспекторат ги издава решенијата за задолжителна изолација на позитивните со коронавирус, сепак Инспекторатот нема законска надлежност да контролира кој е дома, кој излегува надвор, дали се почитуваат тие решенија, туку тоа е надлежност на Министерството за внатрешни работи. Затоа до МВР секојдневно се праќаат списоци со точните имиња и презимиња, адреси на заболените, а потоа полицијата треба да ги контролира дали се дома и да ги проверува.

Прочитајте и...  Родителите на деца од школска возраст се враќаат на работа, но не и оние кои имаат деца во градинка

Од Инспекторатот тврдат дека новозаразените не се последица на попуштањето на рестриктивните мерки, туку на тоа што не се почитувал полицискиот час и не се одржувала дистанца. Инкубацискиот период на вирусот е 14 дена, а ако се погледне две недели наназад, во тој период имаше и полициски час, и забрана за групирање, и задолжителна дистанца и маски. Но, зголемениот број на новозаразени е показател дека некој тие мерки грубо ги прекршувал.

Вчера на Комисијата за заразни болести не беше донесена мерка да се стават во карантин општините со најголем број заразени, туку и понатаму да се мониторира состојбата и да се види дали бројките се тренд или се варијација. Во меѓувреме, на жителите на најкритичните региони од Скопје не им е забрането да одат во други населени места, да се појавуваат на работните места во институции и на таков начин ризикот е голем.

Прочитајте и...  Јанушев: Незадоволството од актуелната власт предводена од СДСМ, Заев и Љупчо Николовски е огромна (ВИДЕО)

Филипче апелира строго да се почитуваат мерките

„Имаме два избора, или ќе продолжиме да го враќаме животот во нормала почитувајќи ги безусловно мерките, или ќе се враќаме назад кон силни рестрикции. Изборот е наш. Друг излез од оваа состојба, за жал, не постои. Јас силно верувам дека ќе избереме да го нормализираме животот заштитувајќи го нашето лично здравје, колективното здравје и здравствениот систем. Затоа уште еднаш апелирам да се воздржиме од групирање и да одржуваме дистанца, да сме внимателни и да носиме заштитна опрема и да се грижиме за личната хигиена“ – порача вчера министерот Венко Филипче.

Прочитај повеќе

Грчките демонстранти ја нападнаа полицијата, во тензична атмосфера донесен законот за јавни собири (ВИДЕО)

МИА Агенција

Мајка херој: Пред да загине во пожар – го фрли од тераса тригодишниот син, го фати маринец и го спаси (ВИДЕО)

Слободен печат

Седум судански министри поднесоа оставка

Слободен печат

Дел од Карпош утре без вода

Слободен печат

Шекеринска: Ние не плаќавме за стиропори кои глумат мермер, напротив решивме парите да заминат во малите бизниси

Слободен печат

Моќно торнадо ја погоди Минесота, настрада маж кој работел во гаража (ВИДЕО)

Марина Дамческа

Остави Коментар

Прочитај повеќе

Врховниот суд на САД донесе важна одлука против Трамп поради која тој збесна

Слободен печат

Кучиња откриваат коронавирус во Обединетите Арапски Емирати

Слободен печат

СЗО ја поддржа теоријата за пренос на коронавирусот преку аеросоли, дадоа нови насоки

Слободен печат

Брнабиќ: Со мирни протести го покажуваме демократскиот капацитет

Слободен печат

Митрески: Нашиот план е до 2024 година да отвориме околу 80 отсто од поглавјата со ЕУ

Слободен печат

Мицкоски: Ние се бориме против оние кои го хушкаат народот за да си делат тендери, да возат „мајбах“

Слободен печат