Контраофанзива на Курдите во Сирија
Курдските „Единици за заштита на народот“ ја преземаа контролата во Рас ал Аин, по започнатата контраофанзива откако турските трупи и нивните сојузници го заземаа овој град на границата меѓу Сирија и Турција на 12 октомври.
Според информациите од локалните медиуми, Курдите и вооружените единици на сириската опозиција кои ја поддржуваат Турција во нивната воена операција водат интензивни борби во близина на градот.
Курдските единици во моментов го напаѓаат градот Тел Халаф кој е под контрола на таканаречената Слободна сириска војска.
Извештаи за воени судири пристигаат и од пограничниот град Кобане, кој се наоѓа на источниот брег на реката Еуфрат.
Вчера воените сили на Курдите го осуетија планот на турските сојузници за запирање на движењата на патот кој минува долж границата и ги поврзува Алепo и Ал Хасак во истоимената провинција.
Според наводите, нападот на турските сили и нивните сојузници е одбиен.
Единиците на сириската армија дојдоа до патот во близина на градот Тел Тамер, кој се наоѓа на 30 километри од границата и се разместија на северот на провинцијата Ал Хасака, во договор со Курдите.