Навивачката група Комити со спектакуларно пиротехничко шоу, со околу 1.000 факели кои гореа од мостот во населбата Хром па се до Ново Лисиче прославија 35 години од формирањето, како и 75 години од постоењето на ФК Вардар и освојувањето на првата ракометна европска титула.

Навивачката група е формирана на 4 јуни 1987 година и оттогаш е неизоставен дел на сите натпревари на Вардар во сите спортови.

– Улиците се наши, градот е наш. Од Лисиче до Ѓорче, срцата чукаат за Вардар, како што речиси илјада факели го осветлија кејот, за 35 години од формирањето на скопската и македонска АВАНГАРДА – КОМИТИ ЗАПАД❗️Забавата продолжува пред Јане Сандански…“ – објавија „Комити“.

Главната прослава се одржа пред салата „Јане Сандански“ во Аеродром каде Комитите повторно приредија пиротехничко шоу.