Кој период од денот телото согорува најмногу калории?
Внатрешниот часовник на нашето тело ни кажува кога сме гладни, кога сме уморни или кога треба да спиеме, но и многу повеќе од основните информации кои веќе ги знаеме.
Часовникот на телото исто така одредува во кое време од денот согорувате најмногу калории, дури и кога не сте активни, покажало едно ново истражување.
Според студијата објавена во „Current Biology“, доцна попладне и рано навечер е периодот кога согоруваме 10 проценти повеќе калории отколку наутро.
Студијата укажува на важната улога игра деноноќниот ритам во регулирањето на метаболизмот. Како резултат, луѓето кои имаат неправилен распоред на спиење поради ноќни смени или други фактори имаат поголема веројатност да добијат плус на тежина.
За да се проценат промените во метаболизмот во текот на денот без влијание на нивото на активност, навиките на јадење и навиките на спиење, научниците проучувале седум учесници во лабораторија за еден месец без прозорци и часовници.
Учесниците немале ниту телефон ниту интернет, а притоа им било дадени распоред кога треба да спијат, да се разбудат и да јадат. Секоја вечер, учесниците легнувале четири часа подоцна од претходната ноќ, поради што внатрешниот часовник на телото повеќе не можел да го следи нивниот ритам.
Сето ова било дизајнирано човечкото тело да не се потпира на знаци од надворешниот свет. Ова им овозможило на истражувачите да ја измерат брзината на метаболизмот во кое било време од денот, пренесува „Times Of India“.
Учесниците откриле дека согоруваат најмалку калории во мирување доцна во ноќта кога доживеале пад на телесната температура. Потрошувачката на енергија била најголема околу 12 часа подоцна, во вечерните и попладневните часови.