Општина Аеродром објави конкурс за изработка на идејни решенија за две модерни и современи детски градинки, информира градоначалникот на Општина Аеродром Тимчо Муцунски.
Според најавите, првата градинка ќе се наоѓа во Населба Лисиче, а втората во непосредна близина на кулите Џевахир.

– Процесот на избор на најдобро решение ќе се спроведе низ транспарентна постапка, со вклучување на универзитетски професори и експерти од областа и поставување услови за највисоки стандарди при изведбата. И не е само изградбата важна. Посебен акцент при изборот на идејно решение, како и самата изградба на градинките, се става на користењето на најсовремени и квалитетни материјали, енергетска ефикасност на објектот и обезбедување највисоки стандарди за згрижување и реализирање на квалитетен воспитно-образовен процес – вели Муцунски.