Рускиот парламент усвои закон кој ја проширува дефиницијата за велепредавство од “преминување на непријателската страна” до соработка со било која организација која е вклучена во “активности против безбедноста на Руската Федерација”. Со ова, Москва се обидува да ја заостри контролата во земјата како што војната против Украина се приближува кон својата трета годишнина.

Амандманите на законот биле усвоени од страна на долниот дом на парламентот, Државната дума, по третото читање на предложениот закон. Секој осуден за велепредавство се соочува со ризик да помине доживотен затвор.

“Во ситуација кога нашите војници ги ризикуваат своите животи во борбата за суверенитетот на Русија, не постојат “неутрални” или “мировни” организации на непријателската страна. Не можеме да дозволиме никому на нашата територија да работи за непријателите”, рече шефот на комитетот за безбедност на Државната дума, Василиј Пискарев, кој е еден од авторите на затегнатиот закон.