Ќерката на Никол Кидман и Том Круз има само 3 селфи-фотки на Инстаграм, а на последната и коментираше Шерон Стоун! (ФОТО)
Ќерката на славниот холивудски актер Том Круз (58) и актеркатар Никол Кидман (53), Изабела Кидман Круз, на Инстаграм објави необична селфи-фотографија.
На профилот ја следат 23.500 луѓе, а она има само три селфи-фотки од јануари 2018 година, кога ја објави првата.
Последното селфи на Изабела е нешто поразлично од останатите, со оглед на тоа дека го има променето имиџот, па дури покажа и добар дел од деколтето. Исто така имала и очила за сонце, обетки, но и претпознатливата обетка на носот.
На себе носела тигреста кошула и кожна јакна, а некои од следбениците и порачаа дека е време да ја тргне обетката од носот.
Она што е интересно, е претходната селфи-фотографија на Изабела, која ја прокоментира и една од најголемите актерски ѕвезди Шерон Стоун.
– Си станала вистинска убавица – и напишала холивудската ѕвезда, а Изабела и одговорила така што и оставила три срциња под нејзиниот коментар.
Инаку Изабела Кидман Круз е ќерка на Том Круз и Никол Кидман, а пред неколку години таа се омажи за Макс Паркер, компјутерски техничар. Никој од родителите не беше на нејзината венчавка, а своето отсуство го оправдале со тоа што Том наводно „немал време“, а Никол снимала филм.