Глумицата Кејт Винслет во 2008 година стана добитничка на Оскар за улогата во филмот „The Reader“ („Читачот“), а во една прилика откри дека статуетката ја чува во – тоалетот.

Многумина не знаеја што да искоментираат на ова и останаа зачудени, а актерката ја откри и причината за оваа необична одлука.

-Тоа е идеално место за „оскарот“ бидејќи секој кога ќе влезе да се „олесни“, навистина може да одвои колку што му е потребно време и да одржи говор за благодарност пред огледалото држејќи ја статуетката“, рече таа во „Шоуто на Греам Нортон“.

-Секогаш можам да погодам кога го прават тоа, бидејќи кога ќе ја пуштат водата, остануваат уште неколку минути. Тогаш си помислувам – си играат со „оскарот“. Потоа излегуваат сериозни како ништо да не се случило, и ги прашувам: „Како беше „оскарот“? – додаде таа, откривајќи како потоа реагираат нејзините гости.

„Толку е тежок“, ми одговараат со малку црвени образи. Пресмешно е“, рече Кејт Винслет.