Кејт Мидлтон се справува со обврските на Меган
Од преселбата на Хари и Меган во Канада, Кејт морала да преземе нови одговорности.
Заминувањето на Хари и Меган Маркл од кралското семејство можеби е најдоброто нешто за нив, но, според пишувањата на британските таблоиди, ова разделување ги повредило чувствата на принцот Вилијам и Кејт Мидлтон, а и создало проблеми за Кејт, која морала да се справи со сите обврски и оние кои не се нејзини.
Кејт Мидлтон, според британските медиуми, покажала голема емпатија кон одлуката на Хари и Меган, но сепак, е преоптоварена и би сакала да поразговара со нејзиниот зет, Хари, додека тој ја избегнува.
Од друга страна пак, американските медиуми пишуваат дека Хари е под постојан стрес, зашто не може нормално да си разговара (и дружи) со своите пријатели од Велика Британија, од младоста, и со семејството. Весниците известуваа и за тоа дека „откриле“ како принцот Хари, со голема жал кон своите пријатели, поради разделбата со кралското семејство, постојано контактира со нив на една од социјалните мрежи.