Каракачанов има внук, ќе се вика Гоце Делчев: „Нека знаат скопските манипулатори“
Лидерот на бугарската крајнодесничарска партија ВМРО-БНД, Красимир Каракачанов, на социјалните мрежи објави дека по втор пар станал дедо „на мал јунак со легендарно историско име – Георги Делчев Николов“.
Во објавата, Каракачанов упатува и порака до властите во Скопје околу „сопственоста“ врз револуционерот.
„Дури и на скопските манипулатори веќе треба да им биде јасно чиј е Гоце Делчев!“, пишува поранешниот бугарски министер за одбрана, познат по тврдите ставови за бугарско-македонскиот спор.
Во соопштението, тој пишува и дека му посакува на внукот Георги Делчев, од неговата ќерка Деница и зетот Никола „здравје, сила и храброст“.