Професорот по кривично право Гордан Калајџиев преку социјалните мрежи реагира на најавата на министерката за образование Весна Јаневска дека преку т.н. „Ѕид на срамот“ јавно ќе се истакнуваат докажаните плагијати во студентските трудови – од дипломски до магистерски работи.

„Постојат процедури како се стекнува магистратура и докторат (или учебник и сл.). Така постои и процедура за утврдување на плагијат и сл. “Sид на срамот” е импровизација. Не постои тело кое е квалификувано за такво нешто! Си играте играчки!“, напиша Калајџиев.

Министерката за образование и наука Јаневска на брифинг со новинарите неделава рече дека софтверот за веб-страницата „Плагијати.мк“, е застарен, а во план е догодина да се воведе т.н. „ѕид на срамот“, на кој јавно ќе се објавуваат плагијатите од дипломски до магистерски трудови.

Со новиот Закон за високо образование, и по изборот во редовно звање, професорите по шест години повторно ќе мора да поминат низ изборна постапка, а дури потоа ќе стекнат трајно вработување. Ова е една од новините која ја најави министерката за образование и наука Весна Јаневска на денешниот брифинг со новинарите. Законот ќе биде деновиве објавен на ЕНЕР. Јаневска најави и дека догодина ќе се заостри борбата против плагијаторството.

„И мене како професор би ми било срам да ставам потпис на нешто што не вреди“, коментираше Јаневска.

Јаневска им објави војна на продавачите на магистерски трудови и докторати за 300 евра