Женската кадетска репрезентација на Македонија го запиша вториот пораз во рамки на групната фаза од Европското првенство за кошаркарки до 16 години Дивизија Б, овој пат од соодветната селекција на Бугарија.

Бугарските кошаркарки на теренот во Истанбул, Турција, триумфираа со 80:62 или по четвртини 14:18, 15:22, 18:19 и 15:21.

Македонските кошаркарки самоуверено го отворија резултатот, по што следеше шутерска криза.

Противникот го искористи тоа за да изедначи, а потоа и да поведе. На полувреме се замина со двоцифрена негатива (29:40) која Бугарија успеа да ја задржи до истекот на 40 минута.

Најефикасна во нашата селекција беше Груевска со 18 поени, три повеќе од Колева, а 10 запиша Пислевска.

Следниот меч на ЕП во рамките од групата Д, Македонија ќе го има в недела од 19.30 часот против Литванија.