Јувентус во нови проблеми: Му се заканува и одземање на бодови
Во Италија деновиве се крена голема прашина за Јувентус. Претходното раководство предводено од Андреа Ањели мораше да ја напушти „Старата дама“.
Причина се одредени финансиски малверзации во кои беше вмешано поранешното раководство на торинскиот клуб. Фудбалската федерација на Италија, според сите проценки, ќе биде ригорозна кон Јувентус, пренесува „Ројтерс“.
Џузепе Кине, главниот обвинител на Италијанската фудбалска федерација, бара големи казни за Јуве. Ањели би можел да добие 16 месеци суспензија од фудбалот, а поранешниот спортски директор Фабио Паратичи 20.
Најлошото нешто што може да му се случи на Јувентус е да му одземат бодови, а Кине сака тоа да не биде помалку од девет бода.
Единствено непознато е дали на „Старата дама“ автоматски би ѝ биле одземени девет бода или следната сезона во Серија А би ја започнале со минус девет бода.