Тоа што е најавуваше во текот на вчерашниот ден, денеска доби потврда од најрелевантните италијански медиуми, Моизе Кин по две години се враќа во Јувентус како замена за Кристијано Роналдо.

Според новинарот Џанлука ди Марцио, Кин вечерва ќе пристигне во Торино на лекарски прегледи по што ќе потпише договор за двегодишна позајмица од Евертон.

Како што се наведува, Кин до 2023 година ќе се води како позајмен фудбалер од Евертон, а доколку се исполнат одредени услови од договорот, тогаш Јувентус ќе го откупи за 25 милиони евра и веднаш ќе потпише тригодишен договор.

Моизе Кин во 2019 година потпиша за Евертон, но по слабата сезона беше испратен на позајмица каде одигра подобро. Во Јувентус ги помина првите две години во професионалната кариера, од кои втората во 2018/19 ја помина работејќи токму со актуелниот тренер на „старата дама“, Масимилијано Алегри.