Јунајтед му станува омилен тим за шопинг на Конте
Интер ќе продолжи да носи фудбалери од Манчестер јунајтед.
По Ешли јанг кој дојде во јануарскиот преоден рок и Ромелу Лукаку и Алексис Санчез кои пристигнаа пред сезоната, медиумите во Италија навестуваат дека уште најмалку двајца фудбалер на Манчестер јунајтед ќе се преселат во Интер.
Едниот е младиот Тахит Чонг, чие кинеско потекло е одлучувачко за да направи трансфер во Интер. Холанѓанецот со кинеско потекло на лето треба да пристигне во Интер и тоа како слободен играч, а тренерот Антонио Конте ќе одлучи дали ќе го задржи во Интер или една сезона ќе биде пратен на калење во Џангсу.
Второто засилување за Интер од Јунајтед ќе биде српскиот репрезентативец Немања Матиќ. Тој има клаузула во договорот според која Манчестер јунајтед има право по автоматизам да му го продолжи договорот за уште една сезона, но доколку на лето пристигнат Џек Грилиш и Клинт Медисон, тогаш за очекување е да му биде дозволено на Матиќ да си замине на лето.