Јунајтед договори еден трансфер, уште два се пред реализација
Манчестер Јунајтед тргна во летна офанзива. Следната недела новиот менаџер на „црвените ѓаволи“ Ерик тен Хаг ќе го донесе првото засилување, левиот бек на Феенорд, Тајрел Маласија, а по него треба да се реализираат уште два трансферир.
Како што пренесуваат англиските медиуми Манчестер јунајтед испратил официјална понуда од 43 милиони евра до Ајакс за дефанзивецот Лисандро Мартинез.
Менаџерот на Јунајтед, Ерик тен Хаг добро ги знае квалитетите на 24-годишниот аргентински стопер бидејќи до минатата сезона му беше тренер во холандскиот тим.
Покрај Мартинез, на „Олд Трафорд“ би можел да пристигне и Кристијан Ериксен кој иако ја одби првата понуда од Јунајтед, Тен Хаг не се предава и ќе се обиде да го убеди Данецот да го смени мислењето и да се пресели во Манчестер.