Економскиот приоритет, демократијата, слободата, правдата и правичноста како и евро-атлантската интеграција е дел од програмата на ПЕП-21. Токму ова помеѓу другите причини е зошто ние сме дел од коалицијата со СДСМ, изјави за „Утрински брифинг“ на „Слободна ТВ“, Билјана Јовановска, лидер на ПЕП-21.

-Во изминативе три години, како дел од владата на СДСМ, покажавме креирање на мерки и политики кои се во интерес на младите и заедничката цел да ги задржиме младите во Македонија. Програмите и мерките не ги креиравме во канцеларии, туку директно на терен. Тука беа вклучени и невладините организации.

-За разлика од порано, сега нема наредби, желби и притисоци. Сега се функционира без дискриминација, по основ на вера, пол. Сите законски права кои ги имаат граѓаните сега можат да ги добијат подеднакво, изјави Јовановска.