Будно ја следиме ситуацијата во државата. Ние сме во постојан контакт со надлежните институции кои се задолжени да го третираат секој новозаболен со корона вирус. Секоја промена благовремено ни се доставува, рече во „Скопски агол“ на „Утрински брифинг“,  ректорот на УКИМ, Никола Јанкуловски.

-Во моментов нема загрижувачки информации кои би наложиле прекинување на наставата. Денес се враќаат студенти од Италија. Презедовме активности. Ќе бидат во домашни услови. Доколку понатаму се докаже дека се зголемува бројот на новозаболени тогаш ќе одлучиме што понатаму- вели Јанкуловски.

Сите патување во ризичните земји ќе бидат откажани, вели Јанкуловски.

-Онаму каде што ќе видиме дека наш студент се наоѓа во ризична земја веднаш се преземаат активности. Редовните посети во Клиниките во Скопје се намалени или некаде прекинати. Се е во колерација со СЗО. Се преземаат превентивни чекори- вели Јанкуловски.

Тој додаде дека се дадени совети во Студентските домови.

-Доколку се појави случај, па макар и обичен грип, да се изолира случајот и да се известат надлежните- вели за „Скопски агол“ на „Утрински брифинг“ ректорот на УКИМ, Никола Јанкуловски.