Јанков: Чест и задоволство е да се биде дел од репрезентацијата
Голманот на Работнички, Ристе Јанков е единствениот дебитант во фудбалската репрезентација на Македонија на стартот од квалификациите за СП 2022 година во Катар. Јанков не е без репрезентативно искуство, 22-годишниот голман е доскорешен член на младата репрезентација до 21 година.
– Чест и задоволство е да се биде дел од оваа селекција. Многу сум благодарен за поканата и ќе дадам максимум на секој тренинг. Сега треба само да се подготвиме за да направиме нов голем резултат. Веќе оваа селекција го покажа тоа дека може да се носи со сите и верувам и убеден сум дека и сега ќе ја оствариме нашата цел. Со самото тоа што се пласиравме на ЕП ние докажавме дека имаме квалитет и тоа е неспорно. Секако дека мотив повеќе е да се направи нов голем историски успех, а јас убеден сум дека секој ќе даде максимум. Одиме од меч во меч, а на секоја средба треба да се даде максимумот, зашто секој натпревар е важен и да се освојуваат бодови, како со подобрите, така и со помалку квалитетните селекции – изјави Јанков.