Јаболковиот оцет во служба на убавината: Исчистете го телото од токсини и хидрирајте ја кожата

фото: пексел

Кујната стана нов извор на средства за убавина и нега. Јаболковиот оцет е еден од многуте производи кои можете да ги користите за таа цел.

Тој влијае на циркулацијата на малите капилари, има антисептични својства кои го спречуваат настанувањето на бактерии и вируси на кожата и може да се користи како средство за чистење на кожата.

Тоник – темелно ќе ја исчисти кожата и ќе го намали воспалението. Особено се препорачува ако имате псоријаза или акни. Само ставете неколку капки јаболков оцет на памук и поминете го лицето.

Маска за лице – комбинирајте еднаков дел јаболков оцет и лековита глина (ако не можете да најдете тогаш земете сода бикарбона). Тоа ќе ви го исчисти лицето и детоксицира кожата. Маската треба да ја ставите на кожата да дејствува најмалку 10 минути пред да ја измиете со вода.

Антиперспирант – ова може да се чини како чудна препорака, но многу е делотворна. По нанесување под пазувите, оставете да се исуши и мирисот ќе се неутрализира.

Габички и слично – едноставно нанесете го на зафатените делови два пати дневно. Малку ќе пецка, ама ќе ги отстрани и најтврдокорните габички. Ако го користите овој рецепт за деца, разредете го со вода во ист сооднос.

Изгореници од сонце – премногу сонце, дури и со креми за сончање, може да предизвика изгореници. Разредете оцет со вода и намачкајте на зафатените подрачја. Исто така можете да ја наполните кадата со млака (поладна) вода и да ставите внатре еден филџан јаболков оцет, па да седите во таа вода 10тина минути.

За детоксикација – наполнете када со топла вода и ставете два филџани јаболков оцет. Лежете во таа вода неколку минути- телото ќе се исчисти од токсини, кожата ќе се затегне и хидратизира.

Видео на денот