Израел со трета вакцина ќе ги вакцинира и лицата постари од 50 години

Семејство пешачи во испразнетиот центар на Тел Авив / 29 април 2020, Тел Авив, Израел / Фото: EPA-EFE/ABIR SULTAN

Израел ја спушти границата за примање на третата, „бустер“ вакцина од 60 на 50 годишна возраст, која ќе биде понудена на сите здравствени работници, како би се спречило ширењето на делта сојот, пренесува Ројтерс. 

Генералниот директор на министерството за здравство на Израел, Нахман Аш, ја прифати препорака на израелските експерти за проширување на вакцинирањето со трета доза со вакцините Фајзер/Бионтек. 

„Лицата кои можат да ја примат третата доза треба да се постари од 50 години, здравствени работници, луѓе со слаб имунитет, затвореници и вработените во затворите“ се вели во соопштението на министерството. 

Засега во Израел има повеќе од 700 илјади полнолетни лица кои примиле трета доза, а израелските здравствени домови од денес почнаа да закажуваат термини и за лицата постари од 50 години. 

Видео на денот