Израелското Министерство за одбрана потпиша договор вреден повеќе од 34 милиони долари за развој на систем што ќе го зголеми дострелот на борбените авиони „Ф-35 Адир“, објави „Анадолија“.

Договорот е склучен со компанијата Сајклон, подружница на Елбит Системс, а проектот предвидува развој и интеграција на надворешни резервоари за гориво базирани на постоечки дизајн на „Ф-35“.

Според израелското Министерство за одбрана, новиот систем треба да овозможи подолги операции без потреба од воздушно дополнување гориво и да ја зголеми флексибилноста за долги мисии.

Израелските авиони „Ф-35 Адир“ веќе беа користени во операции против Иран, а западни медиуми претходно објавија дека дел од авионите биле модифицирани за мисии на долг дострел.

Договорот доаѓа во период на зголемени тензии на Блискиот Исток по американско-израелските напади врз Иран и последователните ирански одговори во регионот.

Сакам да ја сведам американската парична помош за израелската армија на нула, тврди Нетанјаху