Изненадување во Мелбурн: Зверев во аут, Надал сигурно чекори кон финале
Иако многумина очекуваа тениски спектакл во четвртфиналето на Австралија Опен помеѓу Рафаел Надал и Александер Зверев, до него нема да дојде.
Виновник за тоа е Денис Шаповалов кој со 3:0 во сетови и тоа 6:3,7:6,6:3 по 144 минути игра, го победи Зверев.
Овој резултат претставува изненадување бидејќи Германецот се наоѓаше во одлична форма и првите три натпревари во Мелбурн ги доби со максимални 3:0, додека Шаповалов во трите меча досега загуби пет сета.
Но, грешките во одлучувачките моменти го чинеа Зверев победа. Тој четири пати го загуби својот сервис, а брејкот во вториот сет не го материјализира, дозволи брејк на Шаповалов и потоа во тај-брејкот го загуби и сетот. Тоа го демотивира Зверев и во третиот сет немаше никакви шанси против Шаповалов кој си закажа пресметка со Надал.
Шпанецот пак со 7:6,6:2,6:2 беше поуспешен од Андријан Манарио.
Првиот сет беше највозбудлив, нема брејк од двајцата тенисеро по што одлуката падна во тај-брејкот. Во него подобар беше Надал со 14:12, по што Французинот немаше сили да му се спротивстави на шпанскиот тенисер во наредните два сета. Надал вториот и третиот сет ги доби со по 6:2 и се пласира во четвртфиналето.