Излезе „Културен печат“ број 77 во весникот „Слободен печат“
КУЛТУРЕН ПЕЧАТ број 77, во печатеното издание на „Слободен печат“ (17-18.04.2021), го отвораме со фотографии на дела од „Изложба“ во МКЦ, а меѓу содржините има:
– интервју со режисерката Нела Витошевиќ: Глобалната криза кристално јасно го отслика моментот колку сме потонале како цивилизација
– разговор со писателот Владимир Илиевски: Историјата како моќна подлога за книжевно дело
– нова книга „Допирот на зборот“ од Вера Стојчевска – Антиќ
– Награда „Денес“ – четири кандидатки за уметнички престој во Њујорк
– македонската визуелна уметница Марија Павловска е поканета да учествува во проектот „13. Калиграфизам: Карактери и слики“
– во библиотеката „Филозофија“ на „Аз-Буки“ е објавена збирка текстови од Бошко Караџов
– Меѓународниот совет на споменици и локалитети (ИКОМОС) го одбележа 18 април, Меѓународниот ден на спомениците и локалитетите
– Танц Фест Скопје 2021 објави повик за млади кореографи
– Студентска музичка пролет 2021 со ангажирана програма и врвни предавачи
– Стрип-центарот на Македонија (СЦМ) во Велес почна со локалната имплементација на меѓународниот проект „CAN (Comic Alliance Networking) for Balkans“
– објавен е научно-истражувачкиот труд „Хрватски театарски актери и режисери што работеле во Македонија од 1913 до 1941 година“ од Зоран Пејковски
– девет песни од поетот Тихомир Јанчовски се објавени во авангардното списание „Апокалипса“
– романот за деца „Не паркирај гаража“ на Трајче Кацаров е објавен на украински јазик.
