Денеска македонскиот тенисер Калин Ивановски (18) успеа да обезбеди осминафинале на јуниорскиот „Вимблдон“.

Нашата тениска надеж ја запиша втората победа на турнирот во Лондон откако го совлада убедливо Мексиканецот и 11 носител Родриго Пачеко Мендез.

За пласман во четвртфиналето Ивановски ќе ги одмери силите против Едас Бутвилас в среда (6 јули) со почеток од 12.00 часот.

Литванецот Бутвилас за скоро еден и пол час двапати со 6:3 го елиминираше Американецот Озан Чолак.

Инаку Бутвилас му е познат противник на Ивановски, македонскиот тенисер лани токму на „Вимблдон“ во рамките од второто коло беше подобар со 7:6 (4) и 7:6 (6).