Бараме итно разрешување за случајот со „Јавна соба“, крајно време е надлежните да преземат конкретни мерки, порача Јана Коцевска од Платформата за родова еднаквост пред зградата на Јавното обвинителство.

-Од платформата ги потсетуваме  сите обвинители за кривично гонење и спроведување на кривичниот закон. Одговорот на институциите ги потврди нашите зборови, дека Обвинителството недоволгно ги заштитува жртвите на родово насилство. Обвинителството е клучен орган за овие случаи, па сметаме дека тие не се водат доволно стручно и професионално – додаде Коцевска.

Таа истакна дека на институциите им се дава рок до 8 март да го разрешат случајот, во спротивно најави оти ќе следуваат нови протести и пресконференции, се додека не се преземат конкретни мерки.

Во однос на барањата, Коцевска истакна дека основно барање е случајот „Јавна соба“ да се не се третира само како кривично дело за детстка порнографија, туку да се бара одговорност и за полнолетните жртви.

– Им даваме рок на институциите до 8-ми март да преземат конкретни мерки. Да се бара кривична одговорност за полнолетните жртви, како и за сите полициски службеници кои ги злоупотребувале или не постапиле согласно законот – заклучи Коцевска.