Италијанската католичка црква повторно им дозволи на верниците да се ракуваат по молитвата
Италијанската католичка црква повторно ќе им дозволи на верниците да се ракуваат на крајот од мисата, кога верниците велат „мир со вас“, како дел од дополнителното олеснување на мерките против ковид.
„Од сега ќе може да се врати вообичаената форма на размена на знакот на мирот меѓу верниците“, пишува во писмото до епископите од Италијанската бискупска конференција (ЦЕИ), кое го објавија италијанските медиуми.
„Знакот на мирот“ доаѓа по Господовата молитва, и пред светата тајна причест, и е начинот на кој верниците си ја изразуваат заедничката вера едни на други.
Во екот на пандемијата, гестот беше укинат, а ЦЕИ минатата година најави дека може повторно да се практикува, но само со поглед во очи или со наведнување на главата.
Во најновиот совет до владиците, ЦЕИ повикува на дополнителни мерки на претпазливост, меѓу другото, верниците се повикуваат да ги дезинфицираат рацете при влез во црквата.