Многумина сметаат дека прилогот е доказ дека вирусот потекнува од Вухан каде е создаден во лабораторија и се оттргнал од контрола на кинеските научници.

Според оваа теорија, научниците од Вухан создале вирус како биотерористичко оружје, но го пуштиле за да се рашири епидемијата.

Иако самата италијанска научна јавност ги негираше овие тврдења, веднаш се јави некогашниот министер за внатрешни работи Матео Салвини кој на Твитер напиша: „Неверојатно!“, а и останатите десничарски партии веднаш му се придружија во нападот на Кина.

?‼INCREDIBILE!!!‼?
Da Tgr Leonardo (Rai Tre) del 16.11.2015 servizio su un supervirus polmonare Coronavirus creato dai cinesi con pipistrelli e topi, pericolosissimo per l'uomo (con annesse preoccupazioni). (1/2) pic.twitter.com/QuLG07XdAt

— Matteo Salvini (@matteosalvinimi) March 25, 2020

Министерот за надворешни работи Луиџи ди Мајо истакна дека десницата се фаќа за вести кои создаваат паника.

„Салвини не се грижи за оваа земја, него не му е гајле, затоа што ним им одговара да не тероризираат“, рече тој.

Сепак, останува прашањето дели вирусот е вештачки создаден во лабораторија?

Институтот Скрип, кој неодамна објави напис во магазинот Нејчр Медисин тврди дека новиот коронавирус САРС-КОВ- е производ на генетска еволуција.

Професори на споменатиот Институт ги споредија геномите на познатите слоеви на коронавирусите и утврдија дека „новиот коронавирус потекнал благодарение на природните процеси“.

Коронавирусите се семејство вируси кои можат да доведат до многу болести, но се разликуваат по интензитет.

Веднаш по избивањето на епидемијата на КОВИД-19, кинеските научнции го проучуваа геномот на новиот вирус и податоците ги споделија со колегите ширум светот. Професорот Кристијан Андерсон од Институтот Скрипс со помош на тие податоци го истражуваше потеклото на новиот вирус, а се фокусираше на две главни одлики т.н. шилести протеини – постои „кука“ која се фаќа за ќелиите на домаќинот и нешто како отварач за конзерви со помош на кој вирусот отвора и на крајот влегува во ќелиите на домаќинот.

Овој шилест протеин е толку ефикасен во врзувањето за човечките ќелии што тоа е вистински доказ за природна селекција, зошто такво нешто не може да се создаде во лабораторија. Освен тоа, самата основа на вирусот личела на оние коронавирусот пронајдени во лилјаците и панголините.

Меѓутоа, научните објаснувања не смирија одредени италијански политичари кои најавија дека со ова прашање ќе се позабави и парламентот, дури и обвинителството.

Еухенио Зофили го повика Луиџи ди Мајо да го расчисти тоа прашање со кинеските власти.