ИСТОРИЈА: Македонија на чекор до Светско првенство во Катар, Трајковски ги расплака Италијанците во Палермо
Фудбалската репрезентација на Македонија ќе игра во финалето на бараж натпреварот од групата Ц за пласман на Светското првенство во Катар, откако со 1:0 ја совлада Италија во Палермо.
Херој на Македонија е Александар Трајковски кој голот го постигна во 92 минута и обезбеди финале во баражот против Португалија. Натпреварот кој ќе го даде патникот на Мундијалот во Катар ќе се игра на 29 март во Португалија.
Este es el gol de Aleksandar Trajkovski que acaba de cimbrar al mundo. Para mí se lo comió Gigio Donnarumma
Italia está FUERA de un Mundial… otra vez#Qatar2022 pic.twitter.com/poHqIZLzXO
— Oziel Martínez 🇲🇽🖤 (@_ozielmartinez) March 24, 2022
Селекторот Благоја Милевски доминацијата на теренот да им ја препушти на Италијанците, а шансата да се бара преку контранападите и тоа се покажа исправна тактика. „Аѕурите“ доминираа во текот на целиот натпревар, имаа поголем посед на топката, имаа дури 31 шут кон голот на Столе Димитриевски, но половина од тие удари беа блокирани од „црвено-жолтиот“ бедем, но голот на Трајковски ја однесе Македонија на едно скалило до историски успех и пласман на Светско првенство.
„Аѕурите“ уште од првата минута тргнаа офанзивно по голот на Столе Димитриевски, но немаа сериозна шанса. Во петтата минута, Александар Трајковски повлече контранапад, но додавањето до Милан Ристовски не беше најдобро и одбраната на Италија ја собра топката.
Италијанците продолжија со нападите, а во 20. минута, шутевите на Берарди и на Имобиле од шеснаесетникот беа блокирани од македонските дефанзивци.
Во 30 минута, Димитриевски направи грешка и во обид да исфрли му ја подари топка на Берарди, но за среќа италијанскиот напаѓач не успева да погоди од 16 метри.
Потоа во 38. минута Чурлинов искристи грешка на последната линија на Италијанците, но беше стигнат од Флоренци и тоа во последен момент пред да упати удар кој голот на Донарума. До крајот на првиот дел немаше посериозни шанси на двете страни, а Македонија преку Александар Трајковски во 45 минута го упати првиот удар кон голот на Донамрума.
Второто полувреме започна на идентичен начин како што започна првиот дел, со голема офанзива на „аѕурите“, но нивните шутеви најчесто беа блокирани од „црвено-жолтите“. Така беше и во 47 минута кога беше блокиран шутот на Берарди.
Во 52. минута Трајковски шутираше од работ на шеснаесетникот, но лошо ја зафати топката која заврши покрај голот.
Две минути подоцна шутот на Берарди завршпи покрај левата статива, а неколку минути подоцна по грешката на Муслиу, истиот фудбалер шутираше над голот.
Италијанците продолжија со нападите, но Димитриевски немаше многу работа поради цврстиот бедем пред неговиот гол кој во 63 минута повторно блокира шут на Берарди. Во продолжение од натпреварот идентична слика на „Ренцо Барбера“, но како одминуваше времето така „аѕурите“ во неможноста да го совладаат Димитриевски, стануваа се понервозни.
Голема шанса имаа во 79 минута кога Џакомо Распадори шутираше од работ на шеснаесетникот, но за среќа на Димитриевски помина неколку сантиметри над пречката. И кога сите помислија дека натпреварот ќе отиде во продолженијата, Александар Трајковски со фантастичен шут го совлада Донарума, ги шокира Италијанците и ја однесе Македонија во финалето на бараж натпреварот.