Иран тврди дека го соборил најсофистицираниот американски авион Ф-35
Иранската револуционерна гарда (ИРГЦ) тврди дека соборила уште еден американски борбен авион Ф-35 над централен Иран, според објава на Телеграм од новинската агенција Фарс, пренесуваат медиумите.
Препорачано
Во објавата се вели дека авионот бил „целосно уништен и се срушил“, истакнувајќи дека нема информации за судбината на пилотот поради обемот на штетата на леталото.
Иранската новинска агенција Мехр, исто така, соопшти дека е мала веројатноста дека пилотот се катапултирал поради „силна експлозија“ за време на несреќата.
It’s also possible that this is an F-15E rather than an F-35, as the red colouring on this F-15 from this same 493rd Fighter Squadron lines up well. But it’s difficult to determine the size of the debris in comparison to the rocky background. pic.twitter.com/bhyJXPH7Kv
— AMK Mapping 🇳🇿 (@AMK_Mapping_) April 3, 2026
Од друга страна некои профили на социјалните мрежи на воени аналитичари сугерираат дека срушениот авион би можел да биде авион Ф-15е, а не Ф-35.
Централната команда на САД (ЦЕНТКОМ) засега сè уште не одговорила на тврдењата, но претходно го негираше тврдењето на ИРГЦ дека бил соборен американски борбен авион.
Ова е второ тврдење на официјален Техеран дека во војната соборил втор борбен авион од типот Ф-35 над Иран.
