Интерпол во Молдавија ќе истражува обвинувања за трговија со украински бегалци
Интерпол во Молдавија испрати свој тим поради загриженост од опасноста за трговија со луѓе, откако во земјата пристигнаа голем број бегалци од Украина.
Интерпол добил неколку извештаи кои сугерираат дека во земјата се одвива трговија со украински бегалци.
Од почетокот на руската инвазија на Украина, речиси 380.000 Украинци избегаа во соседна Молдавија, земја со 2,6 милиони жители и една од најсиромашните земји во Европа.
Инспекторите на Интерпол се испратени во главниот град Кишињев и во неколку бегалски кампови. Меѓународната полициска агенција примила неколку пријави за трговци и за криумчари на луѓе кои ги следат ранливите Украинци. Децата и малолетниците без придружба се посебно ранливи групи, се наведува во соопштението на Интерпол.
Почитуван читателу,
Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.ПОДДРЖЕТЕ ГО СЛОБОДЕН ПЕЧАТ. СО ПОЧЕТНА СУМА ОД 60 ДЕНАРИ
Видео на денот