15 C
Скопје

Инцидент „тежок“ 916 милиони долари: Властите на Суецкиот канал бараат од сопственикот на бродот да ја плати оштетата

На бродот кој го блокираше Суецкиот канал речиси една недела во март не му е дозволено да си замине, а властите на каналот, египетски Суец канал ауторити (СЦА) бараат отштета од 916 милиони долари од сопственикот на бродот од Јапонија, јавува Ројтерс повикувајќи се на два извори.

Бродот „Евер Гивен“, кој е во сопствеништво на фирмата „Шоеј Кисен“, се наоѓа во езерото кое ги двои двете секции на каналот откако беше ослободен на 29 март, кога СЦА ја започна истрагата.

Два извори на СЦА, кои одбиле да бидат именувани, за Ројтерс изјавиле дека египетскиот суд наредил бродот да биде задржан.

Преговорите околу компензацијата се во тек, според другиот извор.

Директорот на СЦА, Осама Раби рекол за египетската телевизија дека „Евер Гивен“ нема да го напушти каналот додека истрагата не биде завршена и не се плати оштетата.

„Евер Гивен“ се заглави на Суецкиот канал на 23 март, при што каналот беше затворен на шест дена, па 400 брода мораа да чекаат, додека останатите одеа по друг пат за да ја заобиколат Африка.

 

Поврзани вести

Нова скандалозна порно-група со слики и видеа: На Телеграм се појави „Перверзии на Балканот“

Слободен печат

Лајчак: Несомнено за Косово, успех во дијалогот значи да се стане земја кандидат за ЕУ

Слободен печат

Германија, Шпанија и Франција заедно ќе развијат нов борбен авион

Слободен печат

Регионален ковид-19 пресек: Мал пад на бројот на нови инфекции

Слободен печат

Бугарски брачен пар заврши зад решетки во Германија: Продавале новороденчиња во Грција

Слободен печат

Маск: Старлник услугата ја нарачаа половина милион луѓе

Слободен печат

Остави Коментар