Фудбалерот на Милан, Златан Ибрахимовиќ потврди дека е позитивен на коронавирус, но и дека не чувствува никакви симптоми.

Шведскиот напаѓач беше тестиран пред натпреварот од третото квалификациско коло за Лига Европа против Бодо/Глимт.

– Во средата сум тестиран и бев негативен, а денеска сум позитивен. Не чувствувам никакви симптоми. Ковид имаше храброст да ме предизвика. Лоша идеја – во свој стил напиша Ибрахимовиќ на неговиот Твитер профил.

I tested negative to Covid yesterday and positive today. No symptoms what so ever. Covid had the courage to challenge me. Bad idea

— Zlatan Ibrahimović (@Ibra_official) September 24, 2020

Ибрахимовиќ е вториот заразен играч во редовите на „росонерите“, после бразилскиот централен бек Лео Дуарте.

Тренерот на клубот од „Сан Сиро“ нема да може да смета на Ибра за дуелот против норвешката екипа и не е познато колку ќе отсуствува од терените.