16 C
Скопје

Три организации бараат спроведување темелна истрага околу бегството на Сашо Мијалков

Од Хелсиншкиот комитет за човекови права, Коалицијата Сите за правично судење и Фондацијата Отворено општество – Македонија, бараат спроведување темелна истрага за институционалните пропусти околу бегството на поранешниот директор на Управата за безбедност и разузнавање, Сашо Мијалков, стои во заедничкото соопштение проследено до јавноста.

Оттаму дополнуваат дека и покрај епилогот на овој случај, кој, според нив, значеше обезбедено присуство пред судските органи на обвинетиот и сега веќе притворениот Мијалков, сметаат дека е неопходно итно утврдување на одговорност од страна на надлежните органи за настаните кои му претходеа на изрекувањето на пресудата.

-Ние, долупотпишаните граѓански здруженија, бараме темелна и брза истрага за институционалните пропусти околу недостапноста на органите за прогон на поранешниот директор на Управата за безбедност и контраразузнавање, Сашо Мијалков. И покрај епилогот на овој случај, кој значеше  обезбедено присуство пред судските органи на обвинетиот и сега веќе притворениот Мијалков, сметаме дека е неопходно итно утврдување на одговорност од страна на надлежните органи за настаните кои му претходеа на изрекувањето на пресудата, се вели во соопштението.

Прочитајте и...  Македонија, БиХ и Косово ќе добијат 100.620 дози „Фајзер“ вакцина

Сметаат дека ова  бегство се случи токму поради отсуството на соодветна реакција за пропустите и неажурноста на институциите, што овозможија бегство од земјата на Никола Груевски, кој беше осуден на двегодишна казна затвор со правосилна пресуда во случајот познат како „Тенк”, како и на други три лица од високо-профилираните кривични постапки.

Нагласуваат дека истрагата и понесувањето одговорност е од исклучителна важност за градењето правна држава и владеење на правото, поради очигледните пропусти на македонскиот кривично-правен систем. Трите здруженија додаваат дека добиените сознанија за институционален пинг-понг и непотребни преписки од моментот кога се добиени индиции за бегство на обвинетиот Мијалков, до моментот кога му се губи трагата, ја потврдуваат неажурноста на надлежните органи во борбата против криминалот.

Прочитајте и...  Србија ги олеснува мерките, од денеска се отвораат трговските центри

-Токму затоа инсистираме на истраги преку кои ќе се утврди одговорноста за пропустите во постапувањето на Основното јавно обвинителство за гонење на организиран криминал и корупција, на Министерството за внатрешни работи и на Агенцијата за национална безбедност. Соодветно на резултатите од истрагата, бараме да бидат санкционирани сите раководни лица и службеници, кои не ги почитувале законските и подзаконските акти, со што помогнале обвинетиот Мијалков да стане недостапен на органите. Сите  контрадикторни тврдења, изјави во медиумите, целокупното однесување и постапување на ОЈОГОКК , фрлаат дамка на непристрасноста и стручноста во постапувањето на ОЈОГОКК, поради што бараме Советот на јавни обвинители на Република Северна Македонија да спроведе постапка за да се утврди одговорноста за пропустите во постапувањето, се вели во соопштението.

Прочитајте и...  Студија: Вакцината на „Синовак“ е 50,7% ефикасна против бразилскиот вид на коронавирус

Се додава дека сметаат оти само со сериозен пристап за утврдување на вистината и одговорноста во самите институции,  може да се изгради функционален систем, кој обезбедува правда и во кој сите се еднакви пред законот.

Поврзани вести

ЕУ воведе санкции за официјални лица во Иран: Техеран одговори со прекинување на соработката

Слободен печат

Американската амбасада во Сараево нема да шпекулира за наводни изјави за територијални поделби

Слободен печат

Дачиќ: Не бев близок со семејството Милошевиќ, но не бев предавник

Слободен печат

77-годишен могилчанец уапсен откако им се заканувал на соселаните со пиштол

Слободен печат

Лукаревска: Најостро демантирам дека Дејан Смилевски имал каква било допирна точка со МојДДВ

Слободен печат

Рашковски вози џип вреден 74 илјади евра кој не фигурира во неговиот анкетен лист

Слободен печат

Остави Коментар