Најмалку шест лица загинале во главниот град на Сомалија во бомбашки напад на исламските екстремисти, информирала полицијата.

Во експлозија на автомобил-бомба, кој го возел самоубиец биле повредени и повеќе од 13 луѓе, а поголемиот дел од загинатите биле војници, пренесува тамошната полиција.

Одговорноста за нападот во Могадиш ја преземала сомајлиската екстремистичка бунтовничка група Ал-Шабаб, пренесувајќи дека цел на нападот биле возила на владините функционери, пренесуваат медиумите ширум светот.

https://twitter.com/SputnikInt/status/1131112619618832384

Автомобилот-бомба експлодирал кај безбедносен пункт во непосредна близина на претседателската палата, додека војниците вршеле безбедносни проверки на возилата на главниот пат.

Бунтовничката група Ал-Шабаб често изведува бомбапки напади во Могадиш, во близина на претседателскиот комплекс и во хотели во кои често престојуваат функционери од Владата.