Во Полска четириесет и двегодишна жена е пронајдена во лоша состојба откако наводно 27 години била заклучена во својата соба од нејзините родители.

Жртвата, позната само како Мирела, последен пат била видена јавно во 1998 година, кога имала 15 години, во градот Свјетохловице во Јужна Полска.

Според „Дејли меил“, нејзините родители им кажале на соседите дека тинејџерката Мирела исчезнала. На полицијата ѝ биле потребни 27 години за да ја пронајдат.

Мистеријата била разоткриена кога соседите ја повикале полицијата, велејќи дека слушнале врева. Инспекторката Ана Хрињак за полскиот весник „Факт“ изјавила дека 82-годишната сопственичка негирала дека имало какви било борби во куќата.

 

View this post on Instagram

 

A post shared by WION (@wionews)

Потоа полицајците разговарале со Мирела, која ги уверила дека сè е во ред, но полицијата забележала повреди на нејзините нозе и решила да повика брза помош.

Иако Мирела била пронајдена во текот на летото, веста се проширила сега, откако локалното население одлучило да започне кампања за собирање средства за да ѝ помогне преку pomagam.pl.

Еден локален жител објавил на социјалните мрежи: „Лекарите откриле дека само неколку дена ја делеле од смрт поради инфекција. Таа е во болница веќе два месеци поради нејзината критична состојба. Оние кои ја познавале Мирела верувале дека го напуштила својот „семеен“ дом пред речиси 30 години. За жал, вистината била поинаква.“

„Многу работи остануваат непознати и многу детали не можат да се откријат во оваа фаза. Едно е сигурно: мора да се открие зошто оваа млада, здрава 15-годишна девојка престанала да го напушта својот дом и исчезнала без трага. Незамисливо е дека би поминала толку многу време во една соба. Таа вели дека никогаш не го видела својот град, дека изгубила толку многу работи, дека никогаш не била на лекар, дека никогаш не добила лична карта, дека никогаш не излегла на едноставна прошетка, па дури ни на балкон. Никогаш не била на стоматолог или фризер. Косата и забите ѝ се во критична состојба, дури и го загрозуваат нејзиното здравје, па затоа сега се неопходни посети на приватна клиника“, се наведува во објавата.

Обвинителката Агњешка Кватара потврди дека е започната истрага.