Холивудски ѕвезди си купија фудбалски клуб од Велс
Познатите актери Рајан Рејнолд и Роб Мекилејни се нови сопственици на фудбалскиот тим Рексам.
Рејнолдс и Мекилејни ги откупија акциите од Унијата на навивачи на Рексам а според договорот ќе вложат и два милиони фунти во клубот.
Во соопштението на Унијата на навивачи се наведува дека средствата веднаш ќе бидат ставени на располагање на клубот и приоритет ќе биде ангажман на нови фудбалери.
The @Wrexham_AFC handover is complete! We’re toasting with a limited-edition bottle of @AviationGin and I am rebranding as Wrob. Both of which I am apparently legally obligated to do as I’ve been informed Ryan now owns my life rights. My lawyer is currently looking into it. pic.twitter.com/f4fdpJtlIq
— Wrob McElhenney (@RMcElhenney) February 9, 2021
Рексам е тим од Велс кој се натпреварува во Националната лига, односно петто по ранг натпреварување во англискиот фудбал.
„Ова е посебен ден за нас. Заедно со играчите, навивачите и локалната заедница сакаме да ја исполниме целта и да изградиме тим кој ќе може да се врати во професионалниот ранг на натпреварување. Сакаме да ја зголемиме посетата на трибините и да ги подобриме условите на стадионот“, порачаа актерите.
