Холандски новинар кој истражувал криминал застрелан во глава, полицијата трага по сторителите
Холандски новинар, кој пишувал за криминал, Петер Р. де Врис е погоден со огнено оружје на улица во Амстердам, објави весникот Парол и додава дека тој со тешки повреди е пренесен во болница.
Полицијата соопшти дека еден маж е ранет во пукање во Амстердам, но не го потврди неговиот идентитет.
„Еден маж е застрелан на улицата Ланге Леидесварстрат, соопшти полицијата. Улицата се наоѓа во близина на еден од најголемите плоштади во градот.
Peter R. de Vries neergeschoten in centrum Amsterdam https://t.co/V31A769mJc via @telegraaf
— Karin Meijdam (@KarinMeijdam) July 6, 2021
На самото место се возила на итната помош и полицијата која трага по едно или повеќе лица осомничени за нападот. Полицијата побара и помош од очевидци доколку имаат информации да пријават во полициска станица.
Весникот Парол, повикувајќи се на очевидци објави дека Де Врис е погоден во глава.
Де Врис е вистинска ѕвезда во Холандија, познат по истражувачката работа по киднапирањето на пивскиот магнат Фреди Хајнекен во 1983 година. Тој стана познат и во САД по истражувачката работа на исчезнувањето на тинејџерката Натали Халовеј во 2006 година.
Поради своите истражувачки стории често бил мета на криминалното подземје.