Хапоел Тел-Авив ја потврди доминацијата во Евролигата, убедливо триумфирајќи на гостувањето кај Милано со 105-83. Италијанскиот првак дојде со серија од четири победи, но беше целосно надигран, а Хапоел постигна четврти пат сезонава троцифрен број на поени.

Најдобри стрелци кај победникот беа Отуру и Блејкни со по 20 поени, додека Илајџа Брајант имаше 18. Кај Милано најефикасни беа Болмаро (16) и Елис (15).

Панатинаикос со силно второ полувреме го совлада Дубаи со 103-82. По повредите на Џеди Осман и Алекса Аврамовиќ, грчкиот тим го презеде водството со извонредна трета четвртина (30-14).

Кендрик Нан постигна 22 поени (18 во вториот дел), а по 15 поени додадоа Слукас и Грант. Кај Дубаи најдобар беше Кабенгеле со 18 поени.

Преземено од: Sport.com.mk