Хаос во Вашингтон: Пукање за време на бејзбол натпревар
Во саботата вечерта екипата на Вашингтон Нешнлс во рамки на МЛБ бејзбол лигата играше натпревар кој не го дочека крајот бидејќи имаше престрелка покрај стадионот.
Како што објави полицијата, пукањето не било на стадионот, туку покрај него имало престрелка помеѓу лица кое се наоѓале во два автомобили.
Резултатот од престрелката е три повредени лица, од кои една девојка која немала врска со пукањето, туку сакала да го преследи бејзбол натпреварот. Другите двајца повредени прво избегале од местото на настанот, но подоцна се пријавиле во болница.
Неколку истрели се слушнаа и на стадионот, што ги исплаши и навивачипте и самите играчи.
– Одеднаш на стадионот завладеа колективна паника, посебно во подрачјето на третиот влез каде се случија истрелите. Паниката настана веднаш бидејќи навивачите не знаеја што да прават, а немаше ниту реакција од редарските служби. На разгласот никој не се огласи барем пет минути и тоа доведе до целосен хаос – изјавија гледачи кои биле на стадионот за „Вашингтон пост“.
View this post on Instagram
– Пет минути никој не знаеше што се случува, дури ни службениците па поради тоа се беше во хаос. Навивачите се криеја под столчињата, а хеликоптери го надлетуваа стадионот. Полициските сирени се слушаа оддалеку.
Сепак, на крајот се завршило без никакви последици по навивачите, а полицијата се уште врши истрага и ги бара сите учесници во престралката.