Хамилтон пред казна од ФИА поради политички пораки
Возачот на Мерцедес, Луис Хамилтон триумфира на трката за Големата награда на Тоскана и моментот сакаше да го искористи за кревање на свеста против расизмот и полициската бруталсност во САД поради што се соочува со казна од ФИА.
Хамилтон носеше маичка на која пишуваше „Уапсете ги полицајците кои ја убија Бреона Тејлор, 26-годишната медицинска техничарка која беше застрелана откако нејзиното момче почнало да пука на полицијата при претрес поврзан со дрога во нивната куќа.
– Сакав да го свртам вниманието на јавноста на тоа дека полицијата убива луѓе. Некој е убиен на улица, а некој во својот дом. А убијците сè уште се на слобода. Не можеме повеќе да молчиме, мораме да им го привлечеме вниманието на луѓето, на јавноста. Наоми тоа го прави одлично, ги инспирира сите, па така ме инспирира и мене – го објасни Хамилтон својот потег по трката во Муџело.
Но, неговиот потег се најде на удар на ФИА чиј статут не дозволува политички пораки од било кој вид. Хамилтон би можел да биде казнет затоа што „ја преминал линијата“, тврди неименуван извор од Мерцедес. Британецот ја носеше маичката и пред трката и на доделувањето на пехарите додека се интонираше британската химна.