Лени Клум на само 16 години се појави на насловната страница на „Vogue“ со нејзината супермодел мајка Хајди Клум.

Ѕвездата во подем, изгледа неверојатно на новите фотографии направени за модниот магазин „Hunger“, а модните критичари веќе ѝ предвидуваат блескава кариера.

Во декември Хајди сподели снимки од нивната заедничка насловна страница на „Vogue“ и напиша емотивна порака упатена за нејзината ќерка.

„Толку многу се гордеам со тебе. И не затоа што го одбра овој пат. Знам дека без разлика по кој пат ќе одлучиш да одиш, ќе бидеш своја. Ти секогаш точно знаеш што сакаш и што не сакаш. Ти не си мини-јас. И јас сум среќна за тебе што сега можеш да покажеш која си“, напиша Хајди.

Клум воедно додаде дека е свесна дека не е лесно да си ќерка на познат супермодел и дека Лени никогаш немала можност да порасне нормално.

Биолошкиот татко на Лени е бизнисменот Флавио Бријаторе, но таа беше посвоена од вториот сопруг на Хајди, пејачот Сил, кога двојката се венчаше.

Клум повторно се омажи пред скоро две години со музичарот од „Tokio Hotel“, Том Каулиц.

„Но, ти имаш талент да го извлечеш најдоброто од сè. И јас би рекла дека ти си самоуверена млада жена која се бори за своите цели“, вели моделот.

Клум вели дека се надева дека без оглед каде и да е, нејзината ќерка секогаш ќе го носи со себе она на што ја учела низ годините. За големите одлуки во животот, но и за малите.

„И дури и ако често не сакаш да го слушаш советот на твојата мајка, еве уште еднаш: Никогаш не прави ништо што не сакаш да го правиш и секогаш слушај го твојот внатрешен инстинкт“, порача Клум.

Секако, на Лени ѝ претстои возбудлива кариера, како што вели нејзината горда мајка „Vogue“ е најдобриот начин да ја започне кариерата за која сонува.