Претстојната средба меѓу рускиот претседател Владимир Путин и претседателот на Соединетите Американски Држави, Доналд Трамп, закажана за утре во Анкориџ, Алјаска, ќе трае неколку часа, изјави гувернерот на Алјаска, Мајк Данливи.

„Мислам дека средбата ќе трае неколку часа, а не денови, и ќе послужи како основа за идните разговори за завршување на војната“, изјави Данливи за локалниот медиум „Alaska’s News Source“.

Гувернерот додаде дека планира да разговара со Трамп пред самитот за енергетската инфраструктура на државата, вклучително и изградбата на цевководи, како и за критичните прашања поврзани со минералите.