Во овие топли денови иако можеби посакувате да уживате во еден голем вкусен бурер, високите температури може да го намалат тоа задоволство. Времето е премногу топло и е препорачливо да се избегнува тешка храна во овие тропски денови.

Сепак за да ја исполниме вашата желба креиравме бургери кои се совршени за овие топли денови. Бургери од туна и компир за целото семејство.

СОСТОЈКИ:
– 500 г компири
– 160 г конзервирана туна
– ¼ кромид
– 1 јајце
– 4 лажици магдонос
– црвен пипер
– сол
– лебни трошки

ПОДГОТОВКА:
Излупениот и исечкан на коцки компир варете го во врела солена вода 15 минути. Исцедете го и изгмечете го. Во пирето додајте ги ситно сечканиот кромид, црвениот пипер, малку сол, туна, јајце и магдонос, па сè добро измешајте да се соединат состојките. Потоа додајте ги лебните трошки и повторно измешајте. Поделете ја смесата на осум еднакви делови, па секој дел обликувајте го во бургер. Пржете ги во згреана грил-тава со малку масло од двете страни да поруменат. Послужете ги со прилог и печиво по избор.