„Гугл“ воведува генеративна вештачка интелигенција на главниот пребарувач
„Гугл“ објави дека воведува генеративна вештачка интелигенција (ВИ) на својот главен пребарувач. Овој потег доаѓа откако „Мајкрософт“ го вгради „Џипити-4“ во својот пребарувач „Бинг“ претходно оваа година, пишува „Би-Би-Си“.
„Search Generative Experience“, што ќе биде дел од „Гугл“ – ќе дава одговори на отворени прашања, велат од компанијата. Сепак, системот ќе биде достапен само за ограничен број корисници и се уште е во „експериментална“ фаза.
„Ги реконструираме сите наши основни производи, вклучително и пребарувањето“, рече Сундар Пичаи, шеф на матичната компанија на „Гугл“, „Алфабет“.
Дополнително, компанијата објави нова функција на „Андроид“ системот на „Гугл“ која проактивно ќе ги предупредува корисниците за непознати „ЕрТагови“, мали уреди развиени за следење на личните предмети како клучеви и паричници.
Технолошкиот гигант рече дека „непознатите предупредувања за следење“ ќе се појават ова лето. Соопштението дојде откако „Епл“ и „Гугл“ минатата недела соопштија дека работат заедно на решавање на проблемот.