Во сезоната на летни одмори, многу Срби, но и многу странци кои поминуваат покрај Србија, се упатија кон црногорското приморје. Километарските редици се вистинска главоболка за возачите, пишува српски „Блиц“.

Граничните премини Гостун и Добраково се меѓу најфреквентните, кои од раните утрински часови се преполни од туристи кои чекаат во редици да ја поминат границата и да влезат во Црна Гора.

– Повеќе од два часа чекаме барем да се мрднеме од местото, сите се враќаат од одмор и затоа редиците се огромни и не можеме да го видиме крајот на нашата агонија. Заглавени сме во кањонот Лима кој води до граничниот премин Добраково кон Србија. Уште една тортура претрпевме на излезот од новоотворениот автопат, каде има големи гужви на излезната наплатна рампа – изјави еден возач за Рина.

Ништо подобра не е состојбата и на граничниот премин Јабука, каде сообраќајот е во застој поради големиот број на туристи, но со значително помало чекање.

VELIKE GUŽVE NA GRANIČNIM PRELAZIMA: https://t.co/zKTdBHFPk8 pic.twitter.com/QANGeMvXgi

— Tpk News (@Topolovniknews) August 20, 2022

Надлежните апелираат доколку одите на патување, да користат алтернативни патишта, како и да носат доволно вода и храна со себе поради високите температури.