Градежни активности за време на летниот распуст во училиштата во Ѓорче Петров – Слободен печат
ВестиСкопје

Градежни активности за време на летниот распуст во училиштата во Ѓорче Петров

Дали учениците новата учебна година ќе ја започнат во училиште со реновиран покрив ќе зависи од динамиката на работа која треба да ја одреди изведувачот, но и од временските услови, велат од општината.

Промена на покривот на основното училиште Димитар Поп Георгиев- Беровски во Ѓорче Петров, најавуват општинските власти. Како што информираат од општината, во процедура е тендерската постапка, а почетокот на градежните активности се очекува да започне на крајот на август.

Дали учениците новата учебна година ќе ја започнат во училиште со реновиран покрив ќе зависи од динамиката на работа која треба да ја одреди изведувачот, но и од временските услови, велат од општината.

Летниот распуст и отсуството на учениците од училиштата, општинарите го искористија и за подготовка на теренот за изградба на мала спортска сала во ОУ Јоаким Крчовски во Волково. Имено, како што информираат од општината, минатиот петок, точно пред една недела го информирале Министерството за образование и наука дека подготвен е пристапот до теренот, и наскоро се очекува да започне изградбата на спортскта сала, која би требало да биде готова за една година.

Меѓу училиштата кои ќе бидат обновени е и Тихомир Милошевски во Ново село. Имено, како што информираат од општината, советниците од Советот на општина Ѓорче Петров го ослободиле МОН од плаќање на надоместок за уредување на градежно земјиште, по што се очекува да започне доградба и надградба на училиштето.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close